Хэнтий аймгийн хэмжээнд өнөөдрийн байдлаар нийт 248.5 мянган м2 талбайд халдваргүйтгэл, ариутгал хийсэн талаар тус аймгийн Мал эмнэлгийн газраас мэдээллээ. Халдварт болон гоц халдварт өвчин гарч болзошгүй эрсдэлээс урьдчилан сэргийлэхүүднээс 17 суманд нийт 41 өрхийн 16 шувууны байр, 39 гахайн байранд халдваргүйтгэл ариутгал хийсэн байна. Мөн мал, мах тээвэрлэдэг 20 автомашин, малын 34 хашаа, хороо, түүхий эдийн хоёр цэг болон нэг цагдаагийн тасаг нийт 112 цэг, мал нядалгааны гурван цэг, халдварт өвчний есөн голомт, гудамж талбайг зэргийг хамруулжээ. Түүнчлэн хүн, малын халдварт өвчин тархахаас урьдчилан сэргийлж зүй бусаарүхэж хорогдсон мал, амьтны сэг зэмийг цуглуулан булж устгах ажлыг 18 суманд зохион байгуулсан гэв. Одоогийн байдлаар нийт хорогдсон малын 80 хувь болох 64.3 мянган сэг зэмийг цуглуулан төвлөрсөн цэгт булж устгасан байна. Мөн эзэнгүй, золбин нохой устгах ажлыг 12 суманд хийж одоогоор 2116 нохойг устгажээ. Уг ажлыг 63 ажлын хэсэгт 710 хүний бүрэлдэхүүнтэйгээр 98 автомашиныг дайчлангүйцэтгэж байгаа аж.Монгол улсын Ерөнхий сайдын 01 тоот “Албан даалгавар”, Ерөнхий малын эмчийн 02 тоот “Албан даалгавар”, аймгийн Засаг даргын 2020 оны 03 дугаар сарын 23-ны өдрийн А/160 дугаар захирамж, Мал эмнэлгийн газрын “Сэг зэм устгах ажлын зөвлөмж”, уг ажилд хяналт тавих удирдамжийн хүрээнд тус ажил үргэлжилж байна.
Д.Одонтунгалаг
