Хэнтий аймагт хойд эцэг нь дагавар охиноо хүчирхийлж, жирэмслүүлсэн жигшүүрт хэрэг гарч, сэжигтэй этгээдийг цагдан хориод байна.
Шалгалтын явцад тус аймгийн Хэрлэн сумын иргэн 34 настай, эрэгтэй Б.А гэгч нь 15 настай дагавар охиноо удаа дараа хүчирхийлдэг байсан нь тогтоогдсон бөгөөд хүчирхийллийн улмаас охин гурван сартай ураг тээж байгаа аж.
Хэргийн тухай мэдээллийг хохирогч охины ээж цагдаагийн байгууллагад анх өгсөн юм. Түүнчлэн хэргийн улмаас хохирогч охины сэтгэцэд өөрчлөлт орсон байж болзошгүй нөхцөл байдал тогтоогдсон тухай эх сурвалж мэдээллээ.
