Хэнтий аймагт 2020 оны нэгдүгээр ээлжийн цэрэг татлагыг зохион байгуулах ажил эхэлжээ. Цэрэг татлагын урьдчилсан үзлэгийг Өлзийт, Өмнөдэлгэр, Гурванбаян, Батширээт, Биндэр, Баян-Адарга, Дадал, Норовлин, Батноров, Баян-Овоо, Бэрх, Хэрлэн зэрэг сум, тосгодын хүн эмнэлэг, соёлын төвийг түшиглэн 04 дүгээр сарын 20-26-ны дотор зохион байгуулах аж. Цэрэг татлагын товчооны орлогч дарга,Цэргийн штабын дарга хурандаа Н.Хүрэлээгээр ахлуулсан Цэрэг татлагын товчоо, эмч нарын комиссын бүрэлдэхүүнтэй ажлын хэсэг сумдад явж ажиллах юм байна.“COVID-19” цар тахлын аюулаас урьдчилан сэргийлж, УОК, БХЯ, ЗХЖШ-ын удирдлагаас ирүүлсэн зөвлөмжийн дагуу цэрэг татлагын үйл ажиллагааг богино хугацаанд зохион байгуулалтын өндөр түвшинд явуулна гэдгээ албаныхан хэлж байна. Цэргийн албанд тэнцэж байгаа залуучуудыг тус тусын анги байгууллагад нь хүргүүлэхдээ бөөгнөрөл үүсгэхгүй байлгахаар төлөвлөж, аймгийн төв цэнгэлдэхээс гаргаж өгөх гэнэ.
Д.Одонтунгалаг
