COVID-19 халдвараас урьдчилан сэргийлж, Хэнтий аймгийн иргэдийн аюулгүй байдлыг хангуулах үүднээс “Эрсдэлгүй амьдрал” аяныг өрнүүлж эхэллээ. Тус аяны гол зорилго нь УОК-ын 406 дугаар албан бичгийн хэрэгжилтийг хангуулах, иргэд олон нийтэд COVID-19 халдвараас урьдчилан сэргийлэх арга хэмжээг эрчимтэй зохион байгуулахад оршиж байна.Энэ хүрээнд ухуулга сурталчилгааны ажлыг зохион байгуулахыг Шуурхай штаб, Эрүүл мэндийн газар, Мэргэжлийн хяналтын газар, Цагдаагийн газар, Зооноз өвчин судлалын төв болон сум, багийн Засаг дарга, аж ахуйн нэгж байгууллагын дарга, эрхлэгч нарт үүрэг болгов. Тус аян энэ сарын 9-ний өдрөөс ирэх тавдугаар сарын 31-ний өдрийг хүртэлх хугацаанд үргэлжлэх юм байна.
Д.Одонтунгалаг
