Хууль зүй, дотоод хэргийн сайд Х.Нямбаатар Ерөнхий сайд асан Ч.Сайханбилэгтэй холбоотой асуудлаар мэдээлэл өглөө.
"Бид нар хүн болгонд ялгамжгүй, адил тэгш хандах зарчим баримталж байна. АНУ-ын Аюулгүйн албаны хүмүүс болон тус улсын Элчин сайдтай бид удаа дараагийн уулзалт хийж, энэ асуудалтай холбоотой хүсэлтүүдээ илэрхийлсэн. Бусад хүмүүст авч хэрэгжүүлж байгаа бүхий л арга хэмжээг Ч.Сайханбилэгт адилхан хэрэгжүүлнэ. Бидний авсан мэдээллээр АНУ-д тийм хямдхан амьдарч чадахгүй. Тэгэхээр хаанаас санхүүжиж байгааг шалгаж байна. Энэ хүмүүсийг Монгол Улсад авчрах бүх арга хэмжээг авна. Үр дүн гарна гэдэгт итгэлтэй байна" гэлээ.
