Хүний Эрхийн үндэсний Комиссын Хэнтий аймаг дахь салбарт 2022 онд хүний эрх, хүүхдийн эрх, хөдөлмөрлөх эрх сэргээлгэх тухай 83 гомдол, хүсэлтийг хүлээн авсан байна. Үүнээс 3 нь мөрдөгч, цагдаагийн албан хаагч бусдыг эрүүдэн шүүсэн гэх асуудлаар гаргасан гомдол байжээ.Хэнтий аймгийн прокурорын газраас судалгааны дүнг үндэслэн аймгийн Цагдаагийн газрын мөрдөгч, алба хаагчдад эрүү шүүлтээс ангид байх сургалт зохион байгуулсан байна. Харин дээрх гэмт хэргийн шинжтэй гомдол, мэдээллийг шалгуулахаар Авлигатай тэмцэх газарт хүргүүлжээ.
