Хятад Тайвань руу халдвал юу болох вэ?


Хоёрдугаар сарын 20-нд Бээжингийн өвлийн олимп дуусаж, түүнтэй зэрэгцээд “Олимпийн эвлэрэл” дуусгавар болно. Ингээд Хятад Тайвань руу дайрч, АНУ асуудалд оролцвол яах вэ?
Америкийн цэргийн мэргэжилтнүүд цэргийн сургуулилтын нөхцөл байдлыг загвар болгох замаар хувилбаруудад дүн шинжилгээ хийж үзжээ. АНУ Хятадтай дайтахтай холбоотой эдгээр сургуулилтаар 2018, 2019 оны сургуулилтаас илүү үр дүн үзүүлжээ. Нэг ч тал цөмийн зэвсэг ашиглаагүй байна.
Гэсэн ч Америк, Хятадын талаас их хэмжээний алдагдал хүлээжээ. Эдгээр цэргийн тоглоомын үр дүн Батлан хамгаалах төсөвт нөлөөлж байжээ.
БНХАУ Тайвань арал руу дайрсан тохиолдолд юу болох магадлалтай талаарх Стивен Сильверийн бичсэнийг хүргэе.
2020 оны намар АНУ-ын Агаарын цэргийн хүчин сургуулилт хийж, Хятад улс Тайвань руу 10 жилийн дараа дайрсан тохиолдолд юу болох талаар тооцоолж үзжээ.
Defense News-ийн мэдээлснээр, дуураймал дайнд” мэдрэхүйн сүлжээний үүрэг гүйцэтгэдэг нисгэгчгүй онгоцууд, хамгийн хүнд нөхцөлд ажиллах чадвартай зургаа дахь үеийн дэвшилтэт сөнөөгч онгоцууд, чиглүүлсэн сумны тавиуруудыг буулгадаг ачааны онгоцууд болон орчин үеийн тулааны талбарт хараахан ашиглаагүй бусад шинэ технологиуд”-ыг оролцуулжээ.
Сургуулилтын үр дүнд Америкийн цэргүүд Хятадын хүчнийг нэг бүсэд хүрээлэх замаар Тайванийг бүрэн эзлэн авахаас сэргийлж чадаж байлаа. АНУ Хятадтай хийж болох дайны сургуулилтад 2018, 2019 оноос ч илүү үр дүн үзүүлжээ.
Харин 2020 оны сургуулилтаас ялгаатай нь АНУ хамтарсан иж бүрэн удирдлага, удирдлагын үзэл баримтлалыг хэрэгжүүлж, янз бүрийн мэдрэгч, зэвсгүүд хоорондоо харилцах боломжийг олгосон явдал байв.
Өөр нэг чухал асуудал нь Тайвань батлан хамгаалах зардлаа одоогийн түвшнээс хэтрүүлсэн ирээдүйн хувилбараар сургуулилт явуулсан байна.
АНУ-ын Агаарын цэргийн хүчний штабын стратеги, интеграци, дүрэм журам хариуцсан орлогч дарга, дэслэгч генерал Клинт Хинот “Бид биднийг хэцүү бай болгох нөхцөлийг бүрдүүлэхийг хичээсэн. Жишээ нь, бид ямар ч нисэх онгоцны буудлыг хэзээ ч 50% -иас илүү дүүргэж байгаагүй. Тиймээс бүх нисэх онгоцны буудлаа алдаж магадгүй ч флотыг бүхэлд нь алдахааргүйгээр зохион байгуулсан” гэж мэдэгджээ.
Сургуулилтад ашигласан онгоцнууд дотор дараагийн үеийн Air Dominance, Lockheed Martin үйлдвэрийн F-35 Joint Strike Fighter сөнөөгч онгоц, Boeing-ийн үйлдвэрлэсэн F-15EX зэрэг ирээдүйтэй загварууд, мөн “үндсэн хамгаалалтын зориулалттай хөнгөн тактикийн сөнөөгч” зэрэг оржээ.
Тайванийн хоолойн өөр нэг талаас үндсэндээ нисгэгчгүй онгоцнууд хөөргөсөн байна. Нэг ч тал сургуулилтад цөмийн зэвсэг ашиглаагүй байна. Гэсэн хэдий ч Америкийн талаас ч, Хятадын талаас ч “их хэмжээний алдагдал” хүлээжээ.
Сургуулилтын үр дүнд энэ оны эхлэн батлан хамгаалах төсөвт нөлөөлж байлаа. Дашрамд сонирхуулахад, АНУ, Хятадын хооронд 2030-аад онд дайн дэгдэж байгаа тухай сэдэвтэй “2034: A Novel of the Next World War” романыг чөлөөндөө гарсан адмирал Жеймс Ставридис, зохиолч Эллиот Акерман нар хамтран бичсэн байдаг.
Харин дээрх нийтлэлийг бичсэн Стивен Сильвер нь сэтгүүлч, эссе бичигч, кино шүүмжлэгч. The Philadelphia Inquirer, Philly Voice, Philadelphia Weekly, Jewish Telegraphic Agency, Living Life Fearless, журналом Backstage, Broad Street Review болон Splice Today-тэй хамтран ажилладаг. Филадельфийн кино шүүмжлэгчдийн дугуйланг үүсгэн байгуулагчдын нэг юм.
Эх сурвалж: FOCUS
скачать dle 12.0

  • Шинэ мэдээ
  • Их уншсан