Өнгөрсөн долоо хоногийн сүүл болон энэ долоо хоногийн эхээр ихэнх нутгаар цочир хүйтэрч цасан шуурга шуурсан. Өчигдөр Хэнтий аймагт цасан шуурга шуурсны улмаас Баянхутаг сумын 26 малчин сураггүй алга болжээ. Онцгой байдлын аврах ангийн алба хаагчид өчигдөр 15.00 цагаас хойш эрэн хайх ажиллагаа явуулсны эцэст одоогийн байдлаар 25 хүнийг эсэн мэнд олоод байгаа аж. Одоо үлдсэн нэг иргэнийг хайх ажиллагаа үргэлжилж байна.
