Иранд тагнуулын хэргээр найман хүнд ял оноов

Ираны эрх баригчид АНУ-ын талд тагнуул хийсэн гэх хэргээр найман хүнд ял оноожээ. Тус улсын Дээд шүүхийн албан ёсны төлөөлөгч Голям Хосейн Исмаил сэтгүүлчдэд хандан мэдэгдэхдээ “Манай улсын Үндэсний аюулгүй байдалд заналхийлсэн гэж үзэж байгаа тул бид эдгээр хүмүүст зургаан жилээс арван жил хүртэлх хорих ял ногдуулсан. Энэ нь давж заалдах шатны шүүхийн тул эцсийнх юм” гэжээ.

Барууны хэвлэл мэдээллийн хэрэгслүүдийн онцолсноор ял авсан этгээдүүдийг хоёр жилийн өмнө саатуулжээ. Тэдгээрийн дунд хоёр улсын иргэншилтэй иргэд ч байгаа гэнэ. Сүүлийн үед АНУ, Ираны харилцаа хурцдах болсон. Үүний дагуу Ираны тал нутагт нь буй гадаадын тагнуулчдыг илрүүлэх ажлыг идэвхжүүлжээ. Өнгөрсөн оны аравдугаар сард АНУ-ын талд тагнуул хийсэн гэх хэрэгт нэгэн эрийг буруутган түүнд цаазын ял оноож байв.
Мөн хоёрдугаар сарын 4-нд цөмийн хөтөлбөрийн салбарт Вашингтоны талд тагнуул хийсэн гэх өөр нэг этгээдэд цаазын ял ногдуулсан удаатай.
скачать dle 12.0

Add comment

Add comment

reload, if the code cannot be seen
  • Шинэ мэдээ
  • Их уншсан